DOCTOR

I.

DOCTOR

Noster, rit. inter Iudaeosrecens, in Germania, ortus, ex imitatione Christianorum, ob rationem, quod illo tempore multi essent operam navantes administrationi libellorum repudii et Sponsalitiorum, etiamsi non recte scirent illorum constitutiones, proin excogitata est ista inauguratio --- ut quicumque non esset creatus Morenis Doctor noster, illi non potestas esset agendi de libellis repudii et Sponsalitiis, R. Levi Aben in Thescheva sua. Primus qui hoc titulo inter eos ornatus sit, vide infra in voce Maharil.

II.

DOCTOR

pro eo, qui hoc gradu in Academia insignitur, vide Magister, et B. Rhenan. in suis ad Tertull. in praefat. qui dicit, quod cum liber sententiarum Petri Lombardi Ep. Parisiens. primum ederetur; circa A. C. 1140. hi qui eum publice legebant, Doctores primum appellati sunt. S. Bedam primum Cantabrigiae, et S. Ioh. Beverlacensem, qui obiit A. C. 721. Oxonii primum Doctorem quidam suggerunt, sed Spelman. illos reicit; qui insuper affert ex libro Stat. Universitat. Oxon. Statutum A. C. 1384. promulgatum, quo Doctores Medicinalis sententiae Iuris Civilis Doctoribus praeferuntur, regnante Richardo. Doctores a Magistris distingui coepêrunt, tempore Lotharii Imp. Apud Anglos Doctoris nomen et gradus, sub aevo Ioh. Regis innotuisle circa A. C. 1207. videtur. Hent. Spelman. Gloss. Archaeol. sEd et iam olim, apud Romanos Doctoris appellatio perhonorifica fuit, nec nisi insignibus tribuebatur viris. A. Gell. l. 13. c. 21. initio. T. Castritius Rhetoricae disciplinae Doctor: et l. 18. c. 2. quique easdem auditiones eosdcmque Doctores colebamus. A Pers. Sat. 6. v. 38.

------ ------ ------ Sed Bestius urget

Doctores Graios.

Vide quoque supra, Cylistrae. Apud Hebraeos Doctoratus insigne

clavis fuit cum pugillaribus: quo CHRISTUS. alludit Lucae c. XI. v. 52. Vae vobis legis interpretibus quonlam sustulistis clavem cognitionis et ipsi non introistis, et eos qui introibant prohibuistis. ubi de Legis peritis e sermo. Hinc de Rege Samuele scriptum: Eo mortuo, clavem eius et pugillares in loculo fuisse reconditos, eo quod filium non haberet, Camero in Myrothec. ad Matth. c. 22. v. 35. Tunc interrogavit eum quidam ex ipsis legis interpres tentans eum et dicens. Denotavit autem mystica illa clavis, Doctores omnem scientiam in pectore suo reconditam habere, quam discentibus aperiant: Vocatur enim apud Luc. Κλεὶς τῆς γνώσεως, Clavis scientiae. Unde notanter de Christo, caelesti DOCTRRE nostro, Apostolus Coloss. c. 2. v. 3. Ε᾿ν ᾧ εἰσὶ πάντες οἱ θησανροὶ τῆςι σοφίας καὶ τὴς γνώσεως ἀπόκρυφοι; In quo omnes thesauri sapientiae et notitiae absconditi sunt, vel etiam clavis ista secreta Scientiae designavit, non reseranda profanis. Quo respexisse Horat. videtur, l. 1. Ep. 20. v. 3.

Odisti claves et grata sigilla pudico:

Vide Georg. Horn. Hist. Philos. l. 7. c. 16. et infra in voce Pastor, it. Pater Synedrii. Sed et Doctor simpliciter, item Doctor cohorits in vet. saxo, pro Armidoctore vel Campidoctore, Vide ibi. In Inscr. alia Romae, Doctor Sagittariorum memoratur, apud Iac. Spon. Itin. Part. 3. p. 36. etc. De Doctorali pileo vide infra Pileus. Quadratus: Rotunda fig. nec non aliquid in voce Vespasia.